Nahiv Elminin Tərifi

Bunu bil ki, başladığımız bu elm Ərəbcədə nahiv elmi adlanır. Onu izah etmək lazımdır. “Nahiv” sözü lüğətdə bir neçə mənaya gəlir. O mənalardan birincisi “yön, tərəf” mənasıdır. Bu ifadədə olduğu kimi: سرت نحو دار فلان “Filankəsin evinə tərəf getdim”. İkincisi “niyyət, məqsəd” mənasıdır. Bu ifadədə olduğu kimi: نحوت نحوك “Sənin niyyət etdiyinə niyyət etdim”. Üçüncüsü “növ, çeşid” mənasıdır. Bu ifadədə olduğu kimi: عندى ثلثة انحاء من الطعام “Yanımda üç növ yemək var”. Dördüncüsü “miqdar” mənasıdır. Bu ifadədə olduğu kimi: جاء الجيش و هم نحو الف “Ordu gəldi, onların sayı təxminən min idi”. Beşincisi “bənzərlik, oxşarlıq” mənasıdır. Bu ifadədə olduğu kimi: مررت برجل نحوك “Sənə bənzəyən bir adama rast gəldim”. Altıncısı “çevir, döndərmə, yönəltmə” mənasıdır. Bu ifadədə olduğu kimi: نحوت بصرى إليك “Baxışımı sənə yönəltdim”. Yeddincisi “qəbilə, dəstə, toplum” mənasıdır. Bu ifadədə olduğu kimi: نظرت إلى نحو بنى تميم “Bəni Təmim qəbiləsinə baxdım”.

نَحْوٌ sözünün lüğəvi mənaları

Yön	جهت
Məqsəd	قصد
Növ	نوع
Miqdar	مقدار
Bənzərlik	شبه
Çevir	صرف
Qəbilə	قبيلة

Nahiv sözünün istilahi mənası isə – qayda, əsas və prinsipləri öyrədən və kəlmənin sonundakı halların irab və bina baxımından bilindiyi bir elmdir.