Sözün Hissələri

Ərəbcədə söz isim, feil və hərf olmaqla 3 hissədə öyrənilir.

Söz
İsim	Feil	Hərf

İsim: Zamanla heç bir əlaqəsi olmayan və özündə bir mənaya dəlalət edən sözlərdir. Yəni keçmiş, indiki və gələcək zamanla bir bağlılığı olmadan, deyildikdə tələffüzündə özünəməxsus bir mənası olan sözlərdir.

İsim üçün misallar
اَلْقَلَمُ	مُحَمَّدٌ	اَلْبَابُ	اَلزَّهْرَةُ
Qələm	Məhəmməd	qapı	gül

Feil: Zamanla əlaqəsi baxımından ismin əksinə olaraq keçmiş, indiki, geniş və gələcək zamanlara aid olan sözlərdir. Yəni feil dedikdə, hər hansı bir zamanda edilən hərəkət başa düşülür. Ona görə də zamanla birbaşa bağlılığı var.

Feil üçün misallar
لِيَكْتُبْ	سَيَكْتُبُ	يَكْتُبُ	كَتَبَ
yazsın	yazacaq	yazır	yazdı

Hərf: Nə zamanla əlaqəsi olan, nə də mənaca özü ilə bir şey başa düşülən sözdür. Yəni hərflər tək başına bir mənaya dəlalət etməz, amma bir mənanın yaranması üçün vasitə olan sözlərdir. Hərf dedikdə ağlınıza əlifbadakı hərflər gəlməsin, burada məqsəd məhz mənalı hərfdir.

Hərf üçün misallar
لَيْتَ	إِلَى	لَعَلَّ	عَلَى
kaş ki	-ə, -a	ümid edilir ki	üzərinə