Ma-i kaffə

وَ تَلْحَقُهَا مَا فَتُلْغَى عَنِ الْعَمَلِ وَ تَدْخُلُ حِينَئِذٍ عَلَى الْأَفْعَالِ، نَحْوُ؛ إِنَّما ضّرَبَ زَيْدٌ

وَ تَلْحَقُهَا və bu hərflərə (sayılmış) birləşir, مَا ma birləşir, فَ beləliklə, تُلْغَى bu hərflər ləğv olunur, etibarsız olur, عَنِ الْعَمَلِ əməl etməkdən, وَ تَدْخُلُ və daxil olur, حِينَئِذٍ o zaman, yəni ma birləşəndə, عَلَى الْأَفْعَالِ fellərin üzərinə, نَحْوُ misal belədir; إِنَّما ضّرَبَ زَيْدٌ "Ancaq və ancaq Zeyd vurdu" kimi. Əgər ma inne-yə birləşməsəydi, önünə fel ala bilməzdi, isim alardı və nasb edərdi. Ma birləşəndə fel aldı.

Və bu Nasb etdiyi mamulu, raf etdiyi mamulundan əvvəl gələn 8 amildən, ilk 6-sı olan "Fellərə bənzəyən hərflər"in altısına da ما ləfzı birləşir. Və əlavə olan ما bu hərflərə birləşdirilərsə, bu hərflər isim üzərində əməl etməkdən ləğv olunur. Və bu hərflərə ما i kaffe birləşdirilib amelləri ləğv ediləndə fellərin üzərinə daxil olurlar. Lakin لَيْتَ üçün ما i kaffe-nin birləşib birləşməməsi bir dəyişiklik yaratmır. Yəni isim və ya fel fərq etmədən daxil ola bilər.

زَيْدٌ	ضَرَبَ	إِنَّما
Ancaq və ancaq Zeyd vurdu